2013年7月21日星期日

變態超人(上)


今期開超人,のPK。

先嚟一個同場加映,廿年前出版的日本漫畫《變態超人》搬上大銀幕,笠上女人底褲變超人、一身肌肉著絲襪的反傳統變態英雄,今個星期香港公映,正。

原著日文漢語,叫做《究極!! 變態仮面》,有唔少中文譯名包括《變態假面》及《瘋狂假面》咁;日文英語“Hentai Kamen",簡寫就係“HK",所以有啲電影海報,譯做《HK變態超人》,呢個時勢在香港公映,實在究極應景。

本來唔想抽水,不過撞正百佳可能賣盤,財經茄哩啡唔能忍住要寫吓影評。冇錯,香港人究極熟悉的超人,當然長實(0001)和黃(0013)的主席阿誠伯。

誠伯「超人」呢個朵點嚟,斷估出現於1979年,滙豐(0005)半賣半送(兼低息借錢)和黃控股權俾長實蛇吞象一役之後。當年香港人,包括華資商家佬,日久日受咗英國人氣,誠伯呢類可以同英資大班拗手瓜的中國人,好自然被視為華人之光,大受吹捧,當中吹得最大力的,就係半個潮汕同鄉的信報林伯,「曹仁超」的筆名,掉轉頭就係「超人曹」。仁超捧超人,林伯吹誠伯,超人大號不脛而走(亦有人話,超人盛名,來自當年某報紙佬的對聯「高人高手高招,超人超智超福」,木宰羊…),去到九十年代,連鬼佬傳媒都知道超人大名,誠伯大頭相加「SUPERMAN」的標題,不時成為封面,幾威。

廿年河西,當年港人個個景仰的超人,家陣幾乎變咗頭號公敵,早排碼頭風雲鬥地主,超人超大頭被妖魔化放在皇后大道中,呢種場面,七、八十年代難以想像。誠伯慣咗被神化多年,臨老被插,難免究極谷氣,自己明明「愛國愛港」,被人狂踩「李氏力場」;明明「取之有道」,又被人唱「地產霸權」;明明做生意必定「留有一手」,香港人又話佢吓吓「賺到盡」。

超人眼界所及、誠伯口中所言,同在香港的普通地球人所見所能感受,好究極唔同囉,落差好究極大囉。唔通一個人要大發特發,對搵錢就要有近乎怪癖的追求,好似變態超人咁,一聞到女人條底褲味,就會失去自控能力笠上頭,欲罷不能?

好似PK咁,總有一間喺左近,幾乎香港地球人個個都要幫襯,不過誠伯就成日為PK喊冤,話PK毛利率其實好削,山大斬埋唔夠2%孖展咁話,誠伯頭號跟班阿CANNING,更加講過PK屬於雞肋業務,「睇到都眼冤」添。

在香港做超市,冇錯,毛利率未必好高,增長空間可能有限,收銀連送貨養住一萬幾千人,好容易俾工會「做世界」,拔,挑,如果真係咁食之冇味,丟之又點會可惜,晨撚早賣尻咗啦,閹住隻雞翼尖托咩。

一盤生意,視乎老闆有乜其他嘢搞,可以帶嚟唔同的附加價值。

好似誠伯做咁,1986年衝出世界的第一刁,有冇人記得,其實係擁有Financial Times的Pearson集團5%股權,代價大約係8千萬美金,當年唔少人對誠伯呢單刁搲晒雀,唔知佢開邊辨,諗返轉頭,呢步棋其中一個考慮,可能係等FT班友落筆寫誠伯時,可以小心啲或者鬆手啲,如果誠伯想起邊個外國商家佬個底,摷FT個DATABASE都容易啲啦(當年資訊冇咁電子化);同樣道理,誠伯同期進軍美國第一刁,係細仔理柒李介紹的一堆JUNK BONDS,除咗買平貨,當然亦因為掌握到大量信貸資料同佢老美金融的陰私,為殺入美國試水。

做實業一樣,例如做碼頭,可以掌握到全球經濟起伏最重要的溫度計,甚至係國家軍事機密;做超級市場,冇咁巴閉,不過可以知道消費市場最新變化,又可以同供應商打關係,美國P& G當年搵誠伯做盲公竹,合營寶潔中國,誠伯幾乎連豉油都唔使出,已經拎咗廿個巴仙(2005年賣肉沽出套現20個億,美金),除咗話誠伯在內地的人脈,斷估P& G就係被誠伯的PK及屈臣氏等零售網絡吸引,以為可以在大陸複製PK在香港的成功經驗。

仲有,從供應商角度出發,如果大陸各大超市的貨架,最究極搶眼位置放晒出前一丁或卡樂B,康師傳及旺仔產品塞埋一角,康師傳(0322)旺旺(0151)有冇咁容易做得成藍籌?有時甚至可以透過向供貨商施壓,隊瓜競爭對手,香港的超市霸權有冇咁做,唔知,不過可以問吓當年搞蘋果速銷幾乎破產的「黎CY」囉。

超級市場呢盤生意,去到細微地方,應該仲有唔少竅妙之處,財經茄哩啡只係識條毛,不過可以好肯定咁講,視乎老闆係邊個、可以做啲乜,絕對唔會係「雞肋」囉,PK「睇見就眼冤」,好可能只係有啲潛力,腸實及誠伯睇到而做唔到而已,例如在大陸複制香港的半壟斷地位,講緊PK在華南做得唔錯,但華東PK,舊年上海已經執晒粒。

下回再續。

關連文章:
1. 變態超人(上)(中)(下)


同場加映:

HK變態超人

舊年腸實大少鉅鉅語出驚人,創買樓送窗台之舉,財經茄哩啡寫過兩篇買褲送褲袋,當日都有用到變態超人的造型改圖,不過年代久遠,冇乜人知道講乜,有興趣,買飛入場...

13 則留言:

  1. Nice to read your article again !!

    回覆刪除
  2. 全世界做超市都系咁低利潤架啦(毛利20%,純利<5%)。但系呢的低風險又穩定的生意,當然唔同炒大鍋可以冚家富貴的投行同地產業比利潤啦。不要為誠伯擔心,賣出去套現可以賺到笑,簽下腸實地頭貴租金長租約,等買家長期幫大少打工白做,中資日資台資星資歐美資為左統戰反競爭貴一貴都要買,點會唔賺?

    美國幾年前有個百貨公司叫Mervyn's,私寡基金從Target百貨集團連鋪位買下來後分拆舖位和零售業務。零售簽下貴租約後,零售和舖位分開賣。幾年後零售挨唔過貴租而破產,大部分舖位空置多年租唔出。買百佳要小心舊瓶新酒。

    回覆刪除
  3. 睇黎只有超人先至可以刺激到順叔出山寫嘢!

    回覆刪除
    回覆
    1. 今次之後唔寫咁多誠伯了,寫得多禾都悶

      刪除
  4. 其实PK的店铺分布,有几多% 系非肠柒的铺?当中又有几多系其他大妈沙的铺?有几多系陵会的铺?又有几多系附近无竞争獨市铺。可惜我唔系干抖银无呢D数据, 否则可以比较清楚知道PK既“是抓滴直搲尿”!

    Chui Shui Ng Ma Zui

    回覆刪除
    回覆
    1. 刁咗之後禾米會有CIRCULAR,到時可以望吓

      刪除
  5. 順叔有機會可以寫下偽梁...看看香港人是否引狼入室。

    小飛飛

    回覆刪除
    回覆
    1. HMMM,不如你先講吓,乜野係「狼」,乜嘢係「偽」,唔係串你,禾只係好想了解吓呢個「主流」講法的意思,你EMAIL禾都得,LUCENTNG@GMAIL.COM

      刪除
    2. 哈哈,順叔,禾自己都無認真去冷過呢個問題,觀感或鼠來自一年來的各方面。

      關於個偽字:
      1. 僭建問題上,作為當事人,於選舉時大聲指責豬英家中僭建。當時的理正詞嚴,事後看來很難不令人覺得虛偽,厚黑......
      2. 物以類聚,和dreambear這種人因利而分合,各自變臉之快,正好印證「當其同利之時,暫相黨引以為朋者,偽也。及其見利而爭先,或利盡而交疏,則反相賊害,雖其兄弟親戚,不能相保」一說。
      3. 電視牌照上,為何不發不得而知,卻一時把問題推給前朝,一時說會盡快處理。實則便是一直在擱置,拉布。所謂急市民所民,重視民意等全淪為競選上位口號。
      4. 一眾團隊被查出各種問題,是否有勢力特意針對是一回事,但其身不正,及一干人等的應對拙劣卻令人有烏合之眾之感。(這個其實和偽字關連不大)


      關於狼字:
      主要為免費牌不平,全民支持,卻被無視,不計歷史遺留問題,在其任內又拖了一年。說是強姦了民意,應不為過吧...讓人的感覺是港人引狼入室,選了一「黨員」上位來對付自己。


      一年前並不認同偽梁或狼英稱呼,但一年後所見,覺得是挺合適的。

      刪除
    3. 不過眼見未為實,所以便想看看從順叔角度看,梁是否被大家誤會了...

      刪除
    4. 飛哥,唔係HEA你,你問禾,CY係咪俾人「誤會」咗,好說話真係講唔出,小佢咩,又點會冇嘢小,拔,當禾望住日小夜小、最嘈亂巴閉班友仔,再諗吓班友的政治動機(及背後的水喉),禾冇可能說服自己小埋一份。

      不過飛哥問到,都要講句真心話的,香港最抵屌的「偽」人,冇錯,就係「CY」呢條仆街,過去廿年,講最能多大話、洗人腦最「狼」、日LIE夜LIE的大話精,之唔係「CY LAI」囉。

      而家糠肛的新聞,已經唔係新聞,而係CHOK住扮正義的煮腸煽民(係咪「跣」民就要問吓班正義之士了邊條水喉了),禾索性費尻事睇「新」聞,求其望吓算數,得閒摷啲舊聞舊資料,睇吓十九幾年前,邊條友講過乜嘢做過乜嘢,再對比吓之後(現在)發生的事,反而更加了解時事大局…

      答非所問,包含包含…

      刪除
    5. 哈哈!不愧為順叔。

      刪除